नेपाल इन्भेष्टमेण्ट बैंकले ३२ औं वाषिकोत्सवको अवसरमा एनआईबिएल अन्तरबैंक फुटसल प्रतियोगिता गर्ने भएको छ। फागुन ४ गते हुने प्रतियोगितामा १५ वटा बैंकको सहभागिता रहनेछ।
काठमाडौंको सामाखुशी फुटसल हलमा हुने प्रतियोगितामा इन्भेटमेन्टको दुई सहित १६ वटा टिम सहभागी हुने बताइएको छ। प्रतियोगिताको समापन समारोह खेल सकिएलगत्तै सोही स्थानमा गरिने छ।
‘प्ले फर फन’ नारासहित आयोजित प्रतियोगितामा नेपाल इन्भेष्टमेण्टको रातो र निलो टिम, नेपाल राष्ट्र बैंक, नेपाल बैंक, कृषि विकास, सनराइज, ग्लोबल आइएमई, माच्छापुच्छ्रे, सिटिजन, एनएमबी, नविल, बैंक अफ काठमाडौं, एनआइसी एसिया, कुमारी, मेगा र नेपाल एसबिआई बैंक सहभागी हुने छन्।
बैंकहरुबीचको अन्तर–सम्बन्ध राम्रो बनाउन इन्भेष्टमेण्टले फुटसल प्रतियोगिता गर्न लागेको बैंकका सहायक महाप्रबन्धक विकास थापाले बताए।
