प्रिमियम इलेक्ट्रिक एसयुभी दिपल एस०७ पछि नेपालका लागि चांगानको आधिकारिक विक्रेता एमएडब्लु वृद्धि अटोकर्पले यो वर्षको नाडा अटो सोमा दिपल एल०७ इलेक्ट्रिक सेडानको सार्वजनिक गर्ने तयारी गरिरहेको छ।
तथापी एमएडब्लु वृद्धिले दिपल एल०७ बाहेक नयाँ इभी मोडेल प्रदर्शन गर्ने संकेत दिएको छ।
दिपल एल०७ ले एस०७ले स्थापित गरेको ड्राइभिङ अनुभवको मापदण्डलाई अझै माथि पुर्याउने विश्वास चांगानले लिएको छ।
अघिल्लो सिब्लिंगमा जस्तो नयाँ एल०७ मा पनि वेलकम सिट, एआर एचयुडी, जेस्चर कन्ट्रोल, सनफ्लावर टचस्क्रिन जस्ता इनोभेटिभ फिचरहरूका साथै ५४० किलोमिटरको आकर्षक रेन्ज पनि दिन्छ। चांगान नेपालले यो इलेक्ट्रिक सेडानले दर्शकको ध्यान तान्ने अपेक्षा गरेको छ।
तथापी एमएडब्लु वृद्धि अटोकर्पले एल०७ बाहेक सार्वजनिक गर्ने तयारी गरेको नयाँ इभीबारे कुनै पनि जानकारी बाहिर ल्याएको छैन।
एमएडब्लु वृद्धिले ल्याउने यो नयाँ इभीले ड्राइभिङ अनुभवलाई पुनः परिभाषित गर्ने बताइएको छ।
'यसले आफ्नो ट्यागलाइन दच द फ्युचरलाई नयाँ अर्थ दिनेछ,' एमएडब्लु वृद्धिको व्यवस्थापन भन्छ, 'अत्याधुनिक प्रविधि र नविनतम सुविधाले भरिएको यो नयाँ इभीले भविष्यको भावनालाई झल्काउनेछ जहाँ ड्राइभिङ एउटा आवश्यकता मात्र होइन, एउटा पूर्ण रुपको अनुभव पनि हुनेछ।'
एमएडब्लु वृद्धिले यो 'नयाँ मोडल'लाई नाडा अटो सोको पहिलो दिन सार्वजनिक गर्ने तयारी भइरहेको छ।
ग्लोबल अटोमोटिभ लिडर चांगान बृहत अनुभव र नविनतम प्रविधिप्रति सदा प्रतिबद्ध छ।
विश्वको सबैभन्दा ठूलो ब्याट्री निर्माता सिएटिएलको ब्याट्री प्रयोग भएको दिपलका इभीले अद्वितीय रेन्ज, विश्वसनियता र प्रदर्शन प्रत्याभुत गर्छ।
चिनियाँको टेक्नोलोजी जायन्ट हुवावेको प्रविधि प्रयोग भएको दिपल इभीले मानव र मेसिनबीच अखण्ड सञ्चार स्थापित गर्न मद्दत गर्छ।
