रानाध्वज लामा गैरआवासीय नेपाली संघ राष्ट्रिय समन्वय परिषद (एनआरएनए) कुवेतको अध्यक्षमा निर्विरोध चयन भएका छन्।
शुक्रबार सम्पन्न भएको परिषद्को अधिवेशनमा कार्यकाल २०२१–२०२३ कार्यकालका लागि लामा अध्यक्ष पदमा निर्विरोध निर्वाचित भएका छन् ।
यसैगरी उपाध्यक्षमा टीका आचार्य, माधव शाही र उमेश पुडासैनी चयन भएका छन्। महिला उपाध्यक्षमा अमृता वान्तावा, महासचिवमा पुन: मानबहादुर पाख्रीन, सचिवमा जीवन कुमार विश्वकर्मा, मनिश केसी, कोषाध्यक्षमा प्रेमप्रसाद गुरुङ र सह कोषाध्यक्षमा सोनाम लामा निर्विरोध चयन भए।
प्रमुख निर्वाचन आयुक्त सुजन केसीका अनुसार युवा संयोजकमा नवराज पराजुली र दामोदार बटाला, सह-युवा संयोजक आङ्ग नुर्बु शेर्पा, महिला संयोजकमा रमिता योञ्जन तथा सह संयोजकमा सजिना गुरुङ चयन भए।
यसैगरी समितिको सदस्यहरुमा विजय धामी,जय नारायण माझी थारु, देवी बहादुर सुनुवार, रेशम लामा, सूर्य कुमार लामा, गीता तिवारी, मिलन कुमार तामाङ, जीवन सुनार, वेदनाथ हुमागाइँ, बसन्त साम्बा, हेमन्त नगरकोटी तथा सरोज बास्ताकोटी चयन भएको उनले बताए ।
आईसीसी सदस्यमा भने माधव पौडेल र हरि लावती चयन भएका छन् ।
