शिल्पी थिएटरमा चे शंकर लिखित तथा निर्देशित नाटक 'गंगालाल' मञ्चन हुने भएको छ।
माघ १९ देखि २९ गतेसम्म मञ्चन हुने नाटकमा सहिद गंगालाल श्रेष्ठको जीवनमा आधारित छ। गंगालाल फाउन्डेसन र गार्डेन थिएटरको सहकार्यमा निर्माण भएको नाटकमा सहिद गंगालाललाई क्रान्तिकारी मात्र नभई एक पूर्ण मानिसको रूपमा प्रस्तुत गरिनेछ।
विक्रम संवत १९९१ देखि १९९७ सम्म नेपाली राजनीतिक परिवेशमा घटेका घटनाक्रम र सहिद गंगालालका जीवनका घटनाहरूलाई आधार मानी नाटकको कल्पना गरिएको निर्देशक शंकरले बताए।
नाटकमा निर्भीक, शकु शाह, इनारा बानु, दीपक छल्दंग्या, सन्दिप डंगोल, प्रदिप कुमार चौधरी, निरज दाहाल, विश्वास मानन्धर, ऋषिकेश, कृमु एडेन बात्री, एलिजा तुम्बापो, रेवन राई, रोशन चन्दलगायत कलाकारको अभिनय छ।
नाटकको अतिरिक्त मञ्चन शनिबार १ बजे पनि हुनेछ।
