मण्डला थिएटरमा नाटक 'मासिन्या' मञ्चन हुने भएको छ।
नाटक माघ ११ देखि २८ गतेसम्म सोमबार बाहेक हरेक दिन मञ्चन हुनेछ साथै शनिवार भने दुई शो राखिएको छ।
राबत, राजु स्याङ्तान र लक्ष्मी रूम्बाको लेखन रहेको नाटकको निर्देशन तथा परिकल्पना बुद्धि तामाङ र सोनाम लामाले गरेका छन्। तामाङ जातिले भोगेको पीडा र संघर्षको कथालाई नाटकमा प्रस्तुत गरिनेछ।
नाटकले तामाङ समुदायको मुद्दालाई उठान गरेको निर्देशक बुद्धिले बताए। नाटकको माध्यमबाट तामाङ समुदायलाई नजिकबाट बुझ्न सघाउ मिल्ने अर्का निर्देशक सोनामले बताए।
नाटकमा सुनिल तामाङ, रविन दोङ, रमिला मोक्तानलगायत कलाकारको अभिनय रहनेछ।
