गायक सुशान्त केसीले नयाँ गीत 'बार्दली' सार्वजनिक गरेका छन्। आइतबार उनकै अफिसियल युट्युबबाट सार्वजनिक गीत २४ घन्टा नपुग्दै ट्रेन्डिङमा परेको छ।
सुशान्त र इन्द्रकला राईको स्वर रहेको गीत युट्युबमा संगीत खण्डतर्फ तेस्रो नम्बरमा छ।
गीतलाई सोमबार दिउँसोसम्म ५ लाख १५ हजारभन्दा बढी पटक हेरिएको छ। गीतको रचना र संगीत सुशान्त केसीकै हो।
भिडिओमा सुशान्तसहित आकृति राजभण्डारी, शशांक बोहरा, आन्ना शर्मा, निश्चल बस्नेत, सृष्टि श्रेष्ठ, स्वस्तिमा खड्कासम्म देखिएका छन्। अन्जोन लिम्बुले भिडिओको निर्देशन गरेका हुन्।
