गायक राजु लामा र गायिका त्रिशला गुरूङको युगल स्वरमा 'तिम्रा पाइलाहरू' बोलको गीत सार्वजनिक भएको छ।
सोमबार काठमाडौंमा आयोजित एक कार्यक्रमकाबीच सार्वजनिक यो प्रेमगीतको भिडिओमा अभिनेत्री नीति शाह र मोडल धुर्व जिसी फिचर्ड छन्।
गीतमा लेखु सहयात्रीको शब्द तथा संगीत छ। विशम आचार्यले एरेन्ज गरेका छन्।
गीतकार एवं संगीतकार सहयात्रीका अनुसार यो गीत फिल्मका लागि तयार पारिएको थियो।
भिडिओलाई सोनाम पाख्रिनले निर्देशन गरेका हुन। फिल्मका लागि बनाइदिनुपर्यो भन्नेले वास्ता नगरेपछि निर्देशक सोनामले गीत सुने र तुरून्त भिडिओ बनाउन तयार भएको बताइएको छ।
मोडल धुर्वको यो दोस्रो म्युजिक भिडिओ हो। नीतिले यसअघि केही भिडिओमा सानो रोलमा अभिनय गरे पनि शीर्ष अभिनयका हिसाबले यो पहिलो भिडिओ भएको बताइन्।
उत्सव दाहालको छायांकन रहेको भिडिओमा कविराज गहतराजको कोरियोग्राफी छ।
मेलोडी नेपाल युटयुब च्यानलमार्फत सार्वजनिक भएको भिडिओलाई विकास दाहालले सम्पादन गरेका हुन्।
