नेपाल प्रहरीका प्रवक्ता डिआइजी दानबहादुर कार्कीले दसैं गीत सार्वजनिक गरेका छन्।
कार्कीको शब्द रचना रहेको 'दसैं रमाइलो' बोलको गीत शुक्रबार सार्वजनिक भएको हो।
गीतमा गायक राजेशपायल राई र मेलिना राईले स्वर भरेका छन्। यसको संगीत दीपक शर्माको हो भने श्यामस्वेत रसाइलीले एरेन्ज गरेका हुन्।
भिडिओमा अभिनेत्रीद्धय दीपाश्री निरौला र प्रियंका कार्कीका साथमा सरोज ओली फिचर्ड छन्।
'दसैं विशिष्ट सांस्कृतिक महत्व बोकेको नेपालीहरूको महान चार्ड हो,' गीतबारे गीतकार कार्कीले भने, 'यसले समग्र नेपालीमा उत्पन्न गर्ने हौसला र दसै मान्न नपाउनेहरूको समग्र मनस्थिति र अवस्थालाई यो गीतमार्फत झल्काउन खोजिएको छ। गीत समग्र नेपालीको भावनालाई प्रतिनिधित्व गर्ने गरी र यसको सांस्कृतिक महत्वलाई उजागर गर्ने गरी बनाइएको छ। नाच्ने खालको गीत बनेको छ।'
करणसिंह चैसिरको छायांकन, भुपेन्द्र अधिकारीको सम्पादन रहेको गीतको भिडिओ कोरियोग्राफी तथा निर्देशन जेरी भण्डारीले गरेका हुन्।
भिडिओः
