मोडल लोमश शर्माले नयाँ गीत 'अल्ली नजिक सरिदेउन' सार्वजनिक गरेका छन्।
बुधबार आफ्नो जन्मदिनको अवसर पारेर उनले आफू अभिनीत तथा निर्देशित गीतको भिडिओ रिलिज गरेका हुन्।
गीतमा शान्तिश्री परियार र प्रल्हाद सुवेदीको स्वर छ। यसको शब्द र संगीत गायक सुवेदीकै हो। बिनोद बाजुरालीले गीतलाई एरेन्ज गरेका हुन्।
भिडिओमा दुई जोडीको प्रेमलाई देखाइएको छ। लोमशसँगै रूविना थापा, जुना विश्वकर्मा र नव–कलाकार प्रमोद पौडेल भिडिओमा फिर्चड छन।
पर्यटकीय स्थल सैलुङमा यसको भिडिओ छायांकन गरिएको हो। त्यहाँको सुन्दरतालाई समेत भिडिओमा कैद गरिएको छ।
भिडिओलाई दुर्गा पौडेलले छायांकन, मनोज कार्कीले सम्पादन गरेका हुन्।
कविराज गहतराजले कोरीयोग्राफी रहेको भिडिओलाई लोमश शर्मा स्वयंमले निर्देशन गरेका हुन्। उनका अनुसार यसको भिडिओ एरी एलेक्सा क्यामेराले खिचिएको हो। भिडिओमा १० लाख रूपैयाँ लगानी भएको शर्माको भनाइ छ।
अग्नी थापा र दिपेन्द्र पण्डित भिडिओका निर्माता हुन्।
भिडिओः
