फिल्म 'वसन्त' को निर्देशन गरिरहेका गायक प्रकाश सपुतको स्वरमा सचेतनामूलक भिडिओ गीत युट्युबमा सार्वजनिक भएको छ।
उनी र अर्का गायक मिलन लामाको स्वरमा 'मजदुर' बोलको गीत सार्वजनिक भएको हो। यसमा वैदेशिक रोजगारीमा संलग्नहरूको स्वास्थ्य र सुरक्षा सचेतनाका कुरा गरिएको छ।
प्रकाशकै संगीत रहेका गीतका शब्द उनले दिल शिरिषसँग मिलेर लेखेका हुन्। संगीत संयोजनको काम सुदिप सागरले गरेका छन्।
भिडिओमा प्रकाश र मिलनसहित सन्दीपबाबु लोहनी र गणेश उपाध्यायले अभिनय गरेका छन्।
भिडिओलाई सुनिल बिकले निर्देशन गरेका हुन्। यसमा बुद्ध थापाको छायांकन, प्रविन भट्टको सम्पादन छ।
