गायक यम बरालले नयाँ गीत 'बाख्रा करायो' सार्वजनिक गरेका छन्।
लोकदोहोरी शैलीको यो गीतमा उनीसँगै गायिका शान्तिश्री परियारको स्वर छ। यसका शब्द डीपी खनालका हुन्। यम बरालकै संगीत रहेको गीतलाई विषम आचार्यले एरेन्ज गरेका छन्।
बिहीबार काठमाडौंमा एक कार्यक्रमकाबीच गीतको भिडिओ सार्वजनिक गरिएको हो।
भिडिओमा प्रेमिकालाई फकाउन प्रेमीले गरेको भूमिकालाई रमाइलो ढंगमा उतारिएको छ। भिडिओमा यम बराल, कृष गुरूङ, जुना कार्की र चाहना राना मगरले अभिनय गरेका छन्। केशवराज भट्टले निर्देशन गरेको भिडियोमा विशाल थापाको छायांकन र दिन्सन शाहको सम्पादन तथा कलर संयोजन छ।
गीत सार्वजनिक गर्दै गायक बरालले 'बाख्रा करायो' आफूलाई सुनिरहेका स्रोताका साथै अहिलेको पुस्तालाई समेत मध्यनजर गरेर ल्याएको बताए।
गीतलाई 'ओएसआर डिजिटल' युट्युब च्यानलमा रिलिज गरिएको छ।
भिडिओः
