बालबालिकाको गायन रियालिटी शो 'सारेगमप लिटिल च्याम्प्स नेपाल' को नयाँ सिजन छिट्टै प्रसारणमा आउने भएको छ।
यसको दोस्रो सिजनको डिजिटल अडिसन खुला गरिएको छ।
प्रस्तुतकर्ता नोबडी प्रोडक्सन प्रा.लिले आफ्नो आधिकारिक युट्युब च्यानल 'डोको' मा भिडिओ सार्वजजिक गर्दै वर्ल्डवाइड डिजिटल अडिसन खुला गरिएको जानकारी दिएको हो।
डिजिटल अडिसनमा सहभागी हुनका लागि आफ्नो नाम, उमेर र ठेगाना खुलाइ गायन कला प्रस्तुत गरेको भिडिओ पठाउन सक्ने जनाइएको छ। यसमा १५ वर्षभन्दा मुनीका प्रतिभाले सहभागिता जनाउन सक्नेछन्।
'सारेगमप लिटिल च्याम्प्स नेपाल' साढे दुई वर्षभन्दा लामो समयपछि फेरि दर्शकमाझ आउन लागेको हो।
पहिलो सिजनको उपाधि झापाकी कृपा पौडेलले जितेकी थिइन्।
एलिन श्रेष्ठको निर्देशन रहेको पहिलो सिजनमा न्य्हू बज्राचार्य, इन्दिरा जोशी तथा कालीप्रसाद बाँस्कोटा जज थिए।
