तीज गीत गाउने र भिडिओमा नाच्ने कलाकारलाई यतिबेला भ्याइ–नभ्याइ छ।
गीतहरू रेकर्डिङ, भिडिओ छायांकन र युट्युबमा सार्वजनिक भइरहेका छन्।
गायक खुमन अधिकारीले यसपालि एउटा तीज गीतमा २५ जना गायिकासँग सहकार्य गरेका छन्।
'आफूलाई आफै राम्रो' बोलको सो गीत मंगलबार युट्युबमा सार्वजनिक गरिएको छ।
यसका शब्द दुर्गा पौडेलले लेखेका हुन्। संगीत खुमन अधिकारीको छ भने विनोद बाजुरालीले एरेन्ज गरेका हुन्।
गीतमा खुमनसँगै शर्मिला गुरूङ, जुना श्रीस, पूर्णकला बिसी, श्रीदेवी देवकोटा, माया गुरूङ, आशा बिसी, जानकी तारामी मगर, कालिका रोका, चन्दा अर्याल, मिना लामा, सुमन थापा मगर, सरिता कार्की, शान्तारानी परियार, मञ्जु बिकको स्वर छ।
त्यस्तै चिजा तामाङ, सुशीला गौतम, मिना बुढाथोकी, सीता श्रेष्ठ, आयुषा गौतम, पूजा देवकोटा, सलिना नेपाली, तारा थापा, शर्मिला बिसी, शर्मिला रायमाझी, इब्सु सञ्ज्यालले स्वर दिएका छन्।
भिडिओमा गायक–गायिकाहरू नै देखिएका छन्।
स्मृति तिमिल्सिना ‘गुरूआमा’ को निर्देशन रहेको भिडिओलाई दुर्गा पौडेल र प्रविण सुवेदीले छायांकन गरेका हुन्।
नवीन घर्ती मगरले सम्पादन गरेका हुन्। गीतलाई गुडलक नेपालले प्रस्तुत गरेको हो।
भिडिओः
