राजनराज सिवाकोटी र टीका पुनको स्वरमा 'पान पुतली माया' गीत सार्वजनिक भएको छ।
समिप इन्टरटेनमेन्ट युट्युब च्यानलमार्फत गीत सार्वजनिक गरिएको हो। राजनराजकै शब्द तथा संगीत रहेको गीतमा राजन इशानले संगीत संयोजन गरेका छन्।
दिलिप समनले निर्देशन गरेको म्युजिक भिडिओमा गीता ढुंगाना, सुनिल न्यौपाने, भिमार्जुन ओली, शिव रिमाल, शम्भु भुजेल, सरोज पौडेल, प्रेम बस्नेतलगायत कलाकारलाई देख्न सकिन्छ।
हरि हुमागाईंले छायांकन गरेको म्युजिक भिडिओलाई नकुल खड्काले सम्पादन गरेका हुन्। मीना बर्तौला निर्माता रहेको गीतको भिडिओमा रोशन विश्वकर्माको कोरियोग्राफी छ।
