नेपाल आइडल सिजन ५ को विजेता बनेसँगै करण परियारलाई गीत रेकर्डिङका लागि अफरको ओइरो लागेको छ।
उनले फिनालेअघि अग्रज गायक एवं संगीतकार न्य्हू बज्राचार्यको संगीतमा पहिलो गीत रेकर्ड गराएका थिए।
विजेता बनेसँगै उनले न्य्हूको संगीतमा अर्को पनि गीत गाएका छन्। मंगलबारदेखि रेकर्डिङमा समय दिन थालेका उनले संगीतकार एवं गायक अर्जुन पोखरेल, सीडी विजय अधिकारी, लेखु सहयात्री लगायतको गीत समेत रेकर्ड गराइसकेका छन्।
उनको स्वरमा गीत रेकर्ड गराउन चाहने संगीतकर्मीहरू थुप्रै देखिएका छन्।
शुक्रबारसम्म उनले अन्य एक दर्जन हाराहारी गीत गाउने तय गरिसकेका छन्।
फिल्मी गीतका लागि समेत करणलाई अफर पुगेको छ। करणको स्वर रहेका गीत सार्वजनिक भने भइसकेका छैनन्।
बर्दियाका करण नेपाल आइडलको यो सिजनमा सुरूदेखि नै चर्चामा थिए।
नेपाल आइडल ५ को फिनाले गत शनिबार भएको थियो।
