'पर्ख पर्ख मायालु' गीतकी गायिका बिन्दु परियारले दुई वर्षपछि अफिसियल गीत सार्वजनिक गरेकी छन्।
उनले मंगलबार एकल स्वरमा 'जिउँला साथैमा' बोलको गीत ल्याएकी हुन्।
यो प्रेमगीतको भिडिओमा बिन्दु र गायक देवेन्द्र बब्लुले अभिनय गरेका छन्।
लिलु गुरूङको शब्द रहेको गीतमा संगीत बिन्दु स्वयंको छ भने यसलाई सुदीप सागरले एरेन्ज गरेका हुन्। सुनिल बि.क.को निर्देशनमा तयार भिडिओलाई नवराज उप्रेतीले छायांकन, प्रविन भट्टले सम्पादन गरेका हुन्।
बिन्दुका 'पर्ख पर्ख मायालु'सहित 'पहिलो नम्बरमा, घरबार’ लगायतका गीत हिट छन्। 'जिउँला साथैमा' उनको आफ्नै युट्युब च्यानलमा हेर्न सकिन्छ।
भिडिओः
