हास्यकलाकार तथा गायक राजा राजेन्द्र पोखरेलले नयाँ गीत सार्वजनिक गरेका छन्।
उनले आफ्नो जन्मदिनको अवसर पारेर असोज २ गते 'सालको पात' बोलको गीत सार्वजनिक गरेका हुन्। सार्वजनिक गीतमा वैदेशिक रोजगारीमा गएका युवा साउदीको जेलमा परेपछिको पारिवारिक पीडालाई प्रस्तुत गरिएको छ।
राजा राजेन्द्रको स्वर रहेको गीतमा श्रमदीप चौलागाईंको शब्द र संगीत छ। गीतको भिडिओमा अभिनेत्री शिल्पा पोखरेलले साउदीको जेलमा परेका श्रीमानलाई झिकाउन सक्दो प्रयास गरिरहेकी श्रीमतीको भूमिका निर्वाह गरेकी छन्। गीतमा शिल्पासँगै युवराज गौतम, सुरवीर पण्डित र एलेक्स खड्काको अभिनय देख्न सकिन्छ।
ज्ञानेन्द्र शर्मा हुमागाईंले निर्देशन तथा छायांकन गरेको गीतको भिडिओलाई दिन्सन शाहको सम्पादन गरेका हुन्।
राजेन्द्रको 'टेबल फ्यान, पिरतीको चस्मा, लोकल नभई हुँदैन' जस्ता गीत चर्चित छन्। कमेडी हबको परिकल्पनाकार र प्रस्तोताको रूपमा समेत काम गरिसकेका उनले दुईटा एकल एल्बम समेत निकालिसकेका छन्।
