हलिउडका अभिनेता रे स्टिभेन्सनको मृत्यु भएको छ। आइतबार ५८ वर्षको उमेरमा उनको मृत्यु भएको हो।
उनी एसएस राजामौलीको फिल्म 'आरआरआर' मा देखिएका थिए। फिल्ममा उनले 'स्कट बक्सटन' नामक भिलेनको भूमिका निर्वाह गरेका थिए। यो उनको पहिलो भारतीय फिल्म थियो। उनले मार्भल स्टुडियोको फिल्म 'थोर' र 'थोरः द डार्क वर्ल्ड' मा काम गरेका छन्।
उनको जन्म सन् १९६४ मे २५ मा लिस्बनमा भएको थियो। उनका बुवा पाइलट थिए। ८ वर्षको उमेरमा उनी आफ्नो परिवारसँग इंग्ल्याण्डमा गएका थिए।
२९ वर्षको उमेरमा उनले फिल्म र टिभी कार्यक्रमबाट आफ्नो करियर सुरू गरेका थिए। उनले सन् १९९८ मा फिल्म 'द थ्योरी अफ फ्लाइट' बाट फिल्ममा डेब्यू गरेका थिए।
उनी छिटै डिज्नी प्लस स्टार वार्स सिरिज 'अहसोका' मा देखिँदैछ। उनको अन्तिम फिल्म 'एक्सीडेन्ट मेनः हिटमेन होलिडे' हो।
