भारतीय कमेडियन कपिल शर्माले नवोजित सिद्धु सिंह आफ्नो लागि निकै भाग्यशाली व्यक्ति भएको बताएका छन्। 'द कपिल शर्मा शो' मा हट सिटमा बसेर दर्शकको मन जित्ने र कपिललाई साथ दिने सिद्धुपाजीको कुर्सिमा अहिले अर्चना पुरन सिंह बसेकी छन्।
कपिल र सिद्धुबीच मनमुटाव भएको खबर आइरहेको बेला कपिलले आफ्नो र सिद्धुपाजीबिचको सम्बन्ध निकै राम्रो भएको बताएका छन्। उनले सिद्धुपाजीलाई कसैले रिप्लेस गर्न नसक्ने बताउँदै सन्चो नभएको कारण सिद्धु केही दिन विदामा बसेको स्पस्ट पारेका छन्।
सिद्धु नहुँदा अर्चनासँग केही एपिसोड मात्र शो मा देखिने बताउँदै कपिलले सिद्धु आफ्नो लागि निकै भाग्यशाली भएको बताए।
कपिलले सिद्घु सन्चो भएपछि पुनः कार्यक्रममा फर्केर आउने बताएका छन्।
