बेसुरीलो आवाजको कारण निकै चर्चामा आएकी ढिनच्याक पुजा 'बिग बोस'को सिजन ११ मा जाने पक्का भएको छ।
यसअघि उनी 'बिग बोस'मा जाने खबर आएपनि पछि त्यो हल्ला मात्र भन्ने खबर आएको केही समयमा पुजा अब 'बिग बोस'को पाहुना हुने पक्का भएको भारतीय सञ्चारमाध्यम नवभारत टाइम्स अनलाइनले जनाएको छ।
नवभारतमा आएको खबर अनुसार पुजाले 'बिग बोस'मा जाने सबै प्रक्रिया पुरा गरिसकेकी छन्। उनलाई अन्य प्रतियोगी भन्दा बढी रकम दिन 'बिग बोस' तयार भएको र पुजाले पनि डिलमा साइन गरिसकेको खबर छ।
सुर न तालको आवाज भरेर युट्युबमा भिडियो राखेर पुजाले करोडौं कमाइरहेकी छन्। उनको प्रशंसक थोरै भएपनि लाखौंले उनले अपलोड गरेको गीतको भिडियो हेर्छन्।
'बिग बोस'मा पुजाले पनि आफ्नो केही गीत सुनाउनेछिन्। 'बिग बोस'मा जानु अघि पुजा आफ्नो नयाँ गीत बनाउने तयारीमा रहेको खबरमा उल्लेख छ।
