दक्षिण भारतीय फिल्म 'कंगुवा' को 'योलो' बोलको गीत सार्वजनिक भएको छ।
मंगलबार सारेगम म्युजिक युट्युब च्यानलमार्फत फिल्मको गीत सार्वजनिक गरिएको हो। देवी श्री प्रसाद र शिल्पा रावको स्वर रहेको गीतमा मेल्लोव डीको शब्द छ। गीतमा अभिनेता सुर्या र अभिनेत्री दिशा पाटनीको तस्बिरको झलक प्रयोग गरिएको छ।
शिवले निर्देशन गरेको फिल्ममा सुर्या र दिशा पाटनीसँगै बबी देओल, योगी बाबू, प्रकाश राज, जगपति बाबुको मुख्य भूमिका छ। फिल्मलाई निशद युसुफले छायांकन गरेका हुन्।
बबी देओललाई खुंखार भिलेन अवतारमा देखाइएको छ। फिल्ममा उनी अबरार पात्रको भूमिकामा देखिनेछन्। उनको १५ देखि २० मिनेटको भूमिका रहेको बताइएको छ।
यो फिल्म नोभेम्बर १४ देखि प्रदर्शन हुनेछ।
