'द ग्रेट इन्डियन कपिल शो' को आगामी एपिसोडको प्रोमो सार्वजनिक भएको छ।
यस एपिसोडमा अभिनेता आमिर खान अतिथिको रूपमा देखिएका छन्। उक्त प्रोमोमा अभिनेता आमिरले आफू अवार्डमा नजानुको कारण समेत खुलाएका छन्। हुन् त आमिर अन्य शोमा पनि खासै जान रूचाउँदैनन्।
केही समयअघि एक पन्जाबी फिल्मको कार्यक्रममा आमिर र कपिल एकै स्टेजमा देखिएका थिए। त्यहाँ आमिरले कपिललाई आफूलाई किन शोमा नबोलाएको भन्दै सोधेका थिए।
कपिलले उक्त स्टेजमै आमिरलाई निमन्त्रणा गरेका थिए।
कार्यक्रममा अर्चना पूरन सिंहले आमिरलाई अवार्ड कार्यक्रममा किन जानुहुन्न भनेर सोधेकी थिइन्। आमिरले हाँस्दै जबाफ दिए, ‘समम निकै मुल्यवान छ। त्यही भएर समझदारीसँग प्रयोग गर्नुपर्छ।’
