बलिउड अभिनेता सलमान खानले बुधबार आफ्नो जन्मदिन मनाए। उनको फिल्म प्राय हिट छन्। तर उनका यी सात फिल्म दर्शकले हेर्न पाएका छैनन्।
सलमानले 'मैने प्यार किया' फिल्मबाट डेब्यू गरेका थिए। यो फिल्ममा सलमानसँगै अभिनेत्री भाग्यश्रीले पनि अभिनय गरेकी थिइन्। यो फिल्मपछि दुवैले अर्को फिल्म 'रण क्षेत्र' मा काम गर्ने भनेर सम्झौतापत्रमा हस्ताक्षर गरेका थिए। यतिबेलै भाग्यश्रीको विवाह भयो। विवाहपछि उनले फिल्ममा अभिनय गरिनन्। उनको कारण यो फिल्म रोकियो। सलमानको दोस्रो फिल्म जुन सिनेमा हलसम्म पुग्न पाएन।
'सैयां' फिल्ममा काम गर्ने भनेर उनीसहित माला सिन्हाकी छोरी प्रतिभाले हस्ताक्षर गरे। फिल्मको छायांकनको मिति पनि तोकियो। तर यो फिल्मको न त छायांकन भयो न त रिलिज। यो फिल्म के कारण रोकियो भन्ने कुरा अझै खुलाइएको छैन्।
यस्तै सलमान 'दिल है तुम्हारा' मा सनी देओल र मीनाक्षी शेषाद्रीसँग काम गर्ने भएका थिए। यो फिल्मको केही सिन छायांकन गरिएको थियो। केही समयपछि फिल्मको छायांकन रोकियो।
सलमानको राेकिएको अर्को फिल्म हो 'ऐ मेरे दोस्त'। अभिनेत्री करिश्मा कपूर र दिव्या भारती समेतले काम गर्ने भनेको यो पनि रोकिएको थियो। यो फिल्मको एउटा गीत समेत छायांकन भइसकेको थियो।
उनको फिल्म 'घेराव' पनि रोकिएको थियो। सन् १९९१ मा उनले यो फिल्ममा काम गर्ने भएका थिए। अभिनेत्री मनिषा कोइरालासँगै काम गर्ने भनिएको यो फिल्मको प्रदर्शन मिति समेत तोकिएको थियो। तर छायांकन भएन।
उनले आफ्नो प्रेमिका सोनी अलीसँग फिल्ममा काम गर्ने भएका थिए। उनीहरूले 'बुलंद' फिल्ममा काम गर्ने भएका थिए। तर यो फिल्मको आधा कथा छायांकन भएपछि पनि फिल्म रोकियो।
उनले 'राम' फिल्ममा पनि काम गर्ने भएका थिए। अभिनेत्री पूजा भट्ट र अभिनेता अनिल कपूरसँगै सलमानले यो फिल्ममा काम गर्ने भएका थिए। तर यो फिल्मको पनि आधा छायांकन भएपछि रोकियो।
