दिपा श्री निरौला निर्देशित फिल्म 'छक्का पञ्जा २' असोज ११ गते प्रदर्शनको तयारीमा छ। फिल्म रिलिज हुन अझै २ दिन बाँकी हुँदा फिल्मले अहिलेसम्म मल्टिप्लेक्समा २६ वटा शो पाएको छ।
२०७३ को सर्वाधिक हिट फिल्म 'छक्का पञ्जा'को सिक्वेलको फिल्म भएका कारण यो फिल्म वर्षकै प्रतिक्षित फिल्म हो। यो फिल्मले क्युएफएक्समा नेपाली फिल्महरुमध्ये अहिलेसम्म सर्वाधिक शो पाएको छ।
आइतबारबाट लविम मल, सिभिल मल, कुमारी र जय नेपालमा ‘छक्का पन्जा २’ को बुकिङ खुल्ला गरिएको छ। बुकिङ खुल्ला गरिएको २४ घण्टा नवित्दै आक्रामक बुकिङले यस फिल्मको क्रेज बढाएको छ।
फिल्ममा प्रियंका कार्की, दीपकराज गिरी, जितु नेपाल, स्वरूपपुरुष ढकाल, बुद्दी तामाङ, स्वस्तिमा खड्का, केदार घिमिरे, वर्षा राउत लगायतका कलाकारले अभिनय गरेका छन्।
