अाठ वर्षपछि अभिनेत्री रेखा थापा र अभिनेता आर्यन सिग्देलको फिल्म 'रुद्रपिया'को तेस्रो गीत सार्वजनिक भएको छ।
निर्माण पक्षले 'तिमि बाहेक अरु…’ बोलको रोमान्टिक गीत सार्वजनिक गरेको हो। यसअघि फिल्मको स्याड गीत र 'चिरविरचिरबीचर चाचरी' सार्वजनिक गरिसकेको छ।
सार्वजनिक भएको ‘तिमि बाहेक अरु…’ बोलको गीतमा रेखा थापा र आर्यन सिग्देल रोमान्टिक मुडमा देखिएका छन्।
गीतमा अम्बिका शर्माको शब्द सिर्जना रहेको छ भने अर्जुन पोखरेलले संगीत भरेका छन्। गीतलाई कोरियोग्राफर प्रविण सिंहले कोरियोग्राफी गरेका छन्।
फिल्मको निर्देशन सुदीप बबी भुसाल सिंहले गरेका छन् भने रमेश एमके पौडेलको लगानी रहेको छ।
फिल्ममा रेखा र आर्यनका अलावा राजन इशानको पनि मुख्य भूमिका छ। फिल्मको रिलिज कात्तिक २ गते हुनेछ।
https://youtu.be/6bxUtncDNeM
