बद्रि कृष्ण श्रेष्ठको निर्देशन र लेखनमा फिल्म 'पहिचान' बन्ने भएको छ।
फिल्ममा अभिनेत्री मरिष्का पोखरेल र अभिनेता आकाश श्रेष्ठ मुख्य भूमिकामा देखिने भएका छन्। निर्देशकले फिल्म प्रेम, रोमान्स, द्धन्द र कमेडीमा आधारीत भएको बताएका छन्।
फिल्मका अभिनेत्री मरिष्का यसअघि पिल्म के 'म तिम्रो होइन' र र 'चपली हाइट २' मा अभिनय गरेकी छन् भने अभिनेता आकाशले 'म तिम्रै हुँ' फिल्म खेलेका छन्। फिल्मका निर्माता लोकेन्द्र शाह हुन्।
फिल्मको छायाँकन तिहारपछि हुने निर्देशक श्रेष्ठले बताए। उनले यसअघि फिल्म 'चिहान' र 'बाचा बन्धन' निर्देशन गरेका छन्। फिल्ममा आकाश र मरिष्काको अलावा रविन्द्र खड्का, अमन श्रेष्ठ, एञ्जल श्रेष्ठ लगायतका कलाकारहरुको अभिनय रहने निर्माण पक्षले जनाएको छ।
