गायक राजेश पायल राईको स्वरमा नयाँ आधुनिक गीत सार्वजनिक भएको छ। 'त्यो तिमी हौ' बोलको गीतको म्युजिक भिडिओमा दयाहाङ राई र आँचल शर्माले अभिनय गरेका छन्। भिडिओमा आँचल चित्रकार बनेकी छिन्।
निर्मला राई परिवेशको शब्दमा तयार भएको 'त्यो तिमी हौ' मा अर्जुन पोखरेलले संगीत भरेका छन्। गीतमा संगीत संयोजन महाराज थापाले गरेका छन्।
मिलन चाम्सले निर्देशन गरेको म्युजिक भिडिओमा सुदीप बरालको सिनेमेटोग्राफी छ। शुक्रबार युट्युब च्यानल ओएसआर डिजिटलमार्फत सार्वजनिक भएको यो गीत हाल ट्रेन्डिंङमा छ।
-1746009348.jpg)
