आरोही इन्टरटेनमेन्टको ब्यानरमा फिल्म 'गोपी' निर्माण हुने भएको छ।
देशमै केही गर्न सकिन्छ र गर्छु भन्ने पात्रको जीवनमा आइपर्ने पारिवारिक, सामाजिक र नीतिगत अड्चनका बाबजुद उसले कसरी सफलता हात पार्छ भन्ने मूल कथाबस्तुमा आधारित रहेर फिल्म बन्नेछ।
‘कठिन परिस्थिति र जटिल परिवेश हुँदाहुँदै पनि वर्तमान समयामा स्वदेशमै सपनाको खेति गर्ने युवाप्रति समर्पित फिल्म हो 'गोपी', निर्देशक दिपेन्द्र लामाले भने,‘दर्शकलाई मनोरञ्जन साथै केही प्रेरणा, आशा र केही ऊर्जा दिन फिल्म सफल हुने विश्वास हामीले लिएका छौँ।’
दीपेन्द्र लामाको कथा/निर्देशन, सामिप्यराज तिमल्सिनाको पटकथा तथा श्रीधर पौडेल कार्यकारी निर्माता रहेको फिल्म आरोही केसीले निर्माण गर्न लागेकी हुन्।
फिल्ममा खगेन्द्र लामिछाने, सुरक्षा पन्त, अन्कित खड्का, प्रकाश घिमिरे लगायतको मुख्य भूमिका रहने छ।
फिल्ममा शैलेन्द्र डि कार्कीको छायाङ्कन, निमेश श्रेष्ठको सम्पादन रहनेछ।
