सेन्ट्रल एसियन भलिबल एसोसिएसन (काभा) च्याम्पियन्स लिगमा नेपालको हेल्प नेपालले कास्य पदक जितेको छ।
बुधबार माल्दिभ्सको मालेमा भएको तेस्रो स्थानको खेलमा हेल्प नेपालले श्रीलंका पोर्ट्स अथोरिटीलाई ३-१ को सेटमा पराजित गर्दै तेस्रो स्थान हात पारेको हो।
हेल्प नेपालले पहिलो सेट २५-२० र दोस्रो सेट २५-१५ ले जितेर सुरुवातमा २-० को अग्रता लियो।
तेस्रो सेटमा श्रीलंका २५-२० ले विजयी भयो। चौथो सेटमा हेल्प नेपाल २५-२१ ले विजयी हुँदै खेल आफ्नो पक्षमा पार्यो।
क्लबस्तरीय प्रतियोगितामा लिग चरणमा हेल्प नेपाल तेस्रो भएको थियो। लिगको अन्तिम खेलमा श्रीलंका पोर्ट्सलाई पराजित गरे पनि हेल्प नेपाल तेस्रो स्थानमै सीमित बनेको थियो।
त्यसपछि हेल्प नेपालले चौथो भएको श्रीलंकासँग कास्य पदका लागि खेलेको हो।
हेल्प नेपालले लिग चरणमा एक खेल मात्र हारे पनि शीर्ष स्थानको बिस्केक-किर्गिस्तान र दोस्रो स्थानको काजखस्ताको झाएक भिसीलाई पछि पार्न सकेन।
६ टोलीबीच भएको प्रतियोगितामा हेल्प नेपालले बिस्केकसँग हारेको थियो। बिस्केक र झाएक भने पहिलो र दोस्रो हुँदै उपाधिका लागि भिड्दैछन्।
-1746009348.jpg)
