सेन्ट्रल एसिया भलिबल एसोसिएसन (काभा) च्याम्पियन्स लिगमा नेपालको च्याम्पियन हेल्प नेपालले तेस्रो जित निकालेको छ।
सोमबार माल्दिभ्समा भएको खेलमा हेल्प नेपालले शीर्ष स्थानको कजाखस्तानको झाएक भिसीमाथि ३-२ को सेटमा रोमाञ्चक जित निकाल्यो।
पहिलो सेट २५-२२ ले जितेको हेल्प नेपालले त्यसपछिका दुई सेट भने गुमाउन पुग्यो। झाएकले दोस्रो सेट २५-१८ र तेस्रो सेट २३-२५ ले जित्यो।
चौथो सेटमा भने हेल्प नेपाल खेलमा फर्कियो। महत्वपूर्ण चौथो सेट हेल्प नेपालले २५-१८ ले जितेपछि खेल पाँचौ सेटमा पुगेको थियो। पाँचौ सेटमा पनि हेल्प नेपाल १५-११ ले विजयी भयो।
जितसँगै हेल्प नेपाल अंक तालिका दोस्रो स्थानमा उक्लियो। हेल्प नेपालले चार मध्ये तीन खेलमा जित निकालेको छ।
अब मंगलबार हेल्प नेपालले लिगको अन्तिम खेलमा श्रीलंका पोर्ट्स अथोरिटीसँग खेल्नेछ। यो खेलमा जित निकाले हेल्प नेपालले उपाधिका लागि प्रतिस्पर्धा गर्नेछ।
-1746009348.jpg)
