एभरेष्ट महिला भलिबल लिगका सहभागी ६ फ्रेन्चाइज टिमले खेलाडीहरुमाथि अक्सनमार्फत् बोली लगाएका छन्।
लिगको दोस्रो संस्करणमा साविक विजेता कर्णाली यसविस, ललितपुर क्विन्स, काठमाडौं स्पाईकर्स, मधेश युनाईटेड, पोखरा निन्जाज र लुम्बिनी लाभाले अक्सनअघि मार्कीको टुंगो लगाएका थिए।
कर्णालीको मार्कीमा सुमित्रा रेग्मी छन्। ललितपुरमा सलिना श्रेष्ठ, काठमाडौंमा उषा भण्डारी, मधेशमा निरुता ठगुन्ना, लुम्बिनीमा अरुणा शाही र पोखरामा प्रगती नाथ मार्की खेलाडी हुन्। प्रगतीबाहेक अरु सबै अघिल्लो सिजनकै मार्की खेलाडी हुन्।
यता अक्सनबाट पुनम चन्द १ लाख ३२ हजारमा पोखरामा आबद्ध भएकी छन्। उनी पोखरा, कर्णाली र ललितपुरबीच लक्की ‘ड्र’बाट पोखरामा पुगिन्। कमला बिष्ट १ लाख ३२ हजारमा लुम्बिनीमा पुगिन्।
संगम महतो ललितपुर र सिफया पुन कर्णालीमा आबद्ध भए। उनीहरु पनि अन्तिम मूल्यसम्म तीन टोलीले बोली लगाएपछि लक्की ड्रबाट छानिए। दुवै जना १ लाख ३२ हजारमा आबद्ध भए।
कविता भट्ट काठमाडौंमा १ लाख ३० हजारमा आबद्ध हुन सफल भइन्। सुरुमाअनसोल्ड भएका आरती सुवेदीलाई मधेशले १ लाख १५ हजारमा किन्यो।
अक्सनमा कूल ६८ खेलाडी समावेश छन्। उनीहरुलाई ए, बी र सी क्याटेगोरीमा विभाजन गरिएको छ।
अहिले टोलीहरूले बी र सी क्याटागोरीका लागि बोली लगाइरहेका छन्।
हरेक टिमले अक्सनबाट क्याटेगोरी ‘ए’बाट १, क्याटेगोरी ‘बी’बाट ३ र क्याटेगोरी ‘सी’बाट ३ खेलाडी अनिवार्य लिनुपर्नेछ।
लिग आगामी भदौ २० देखि २८ गतेसम्म आयोजना हुँदैछ।
-1746009348.jpg)
