पहिलो संस्करणको वात्सल्य एभरेस्ट महिला भलिबल लिगको ट्रफी आज सार्वजनिक गरिएको छ।
काठमाडौंको हायात प्लेसमा आयोजित कार्यक्रममा आधिकारिक रूपमा ट्रफी अनावरण गरिएको हो।
लिग सुरु हुन १५ दिन मात्र बाँकी छ।
ट्रफी भलिबल खेलको सुरुको क्षणलाई प्रेरणा स्वरूप राखेर डिजाइन गरिएको छ, जसले खेलको सारलाई समेट्ने बताइएको छ। ट्रफीको आकार बललाई हानिरहेको हात र पाखुराको अमूर्त डिजाइनबाट बनेको छ।
२२ इन्चअग्लो र ७ किलोग्राम तौलको यो ट्रफी जर्मनीका कुशल हस्तकला निर्माताहरूले तयार गरेका हुन्।
प्रतियोगितामा छ टोली सहभागी हुँदैछन्। सहभागी हुने टोलीको सहर केन्द्रित ट्रफीको टुर समेत हुने भएको छ।
ट्रफी टुर तालिका:
• १७ सेप्टेम्बर: कर्णाली
• २० सेप्टेम्बर: मधेश
• २३ सेप्टेम्बर: चितवन
• २५ सेप्टेम्बर: गण्डकी
• २७ सेप्टेम्बर: ललितपुर
• २८ सेप्टेम्बर: काठमाडौं
