भारत, इरान, माल्दिभ्स, श्रीलंका र आयोजक नेपालबीच आजदेखि काभा वुमन्स भलिबल नेसन्स लिगमा प्रतिस्पर्धा हुँदैछ।
दिउँसो १ बजे राष्ट्रिय खेलकुद परिषद् हलमा उद्घाटन समारोहमा हुनेछ। समारोहपछि नेपाल र श्रीलंकाबीचको उद्घाटन खेल दिउँसो ३:१५ बजे हुनेछ।
दिनको दोस्रो खेलमा भारत र इरानबीच प्रतिस्पर्धा हुनेछ।
नेपाल, इरान, श्रीलंका, भारत र माल्दिभ्स गरी पाँच टोली सुरुमा एकआपासमा भिड्नेछन्। प्रत्येक दिन दुई खेल हुनेछ। सेमिफाइनल अगस्ट ६ र फाइनल खेल अगस्ट ७ मा हुनेछ।
लिग चरणमा पुछारको पाँचौं स्थानमा रहने टोली प्रतियोगिताबाट बाहिरिनेछ। शीर्ष चार टोलीले सेमिफाइनलमा स्थान बनाउनेछन्।
अगस्ट ६ मा लिगको शीर्ष स्थानको टोली र चौथो स्थानमा रहने टोलीबीच तथा दोस्रो र तेस्रो स्थानको टोलीबीच सेमिफाइनल हुनेछ।
