शारिरिक रुपमा अशक्त चेस फेडेरेशन र विशेष रुपमा सक्षम गोवा चेस एशोशिएशनको संयुक्त आयोजनामा फरक क्षमता भएका व्यक्तिहरूको लागि २४ औं विश्व व्यक्तिगत चेस च्याम्पियनसिप छिमेकी मुलुक भारतमा आजबाट सुरु भएको छ।
प्रतियोगितामा नेपालका विश्व विजय घिमिरे खेलाडीका रुपमा नेपालको प्रतिनिधि गर्दै सोमबार उद्घाटन समारोहमा उपस्थित भएका छन्। फरक क्षमताको बीचमा हुने स्पर्धामा ५५ वर्षीय घिमिरेलाई सहभागीताको लागि मेची नगरपालिकाले आर्थिक सहयोग प्रदान गरिएको थियो।
चेस महासंघको आधिकारिक वर्ल्ड च्याम्पियनसिपमा भने नेपालको यो तेस्रो सहभागीता हो। यसअघि सन् २०२४ मा नेपाल च्याम्पियन रुपेश जैशवालले अजरबैजानमा भएको वर्ल्ड साइकल छनौटमा नेपालको प्रतिनिधित्व गरेका थिए।
त्यस्तै सन् २०२४ कै काजाकिस्तानमा भएको वर्ल्ड युथ क्याडेट च्याम्पियनसिपमा त्रियोग उच्च माविका विद्यार्थीहरुले नेपालको प्रतिनिधित्व गरेका थिए।
त्यसैगरी यस वर्ल्ड च्याम्पियनसिपमा नेपालका अन्तर्राष्ट्रिय आविर्टर यज्ञप्रसाद पन्त निर्णायकको भूमिकामा रहनेछ। कुनै पनि वर्ल्ड च्याम्पियनसिपमा निर्णायकको रुपमा नेपाली आर्विटरको यो पहिलो अवसर पनि हो।
-1746009348.jpg)
