राष्ट्रिय खेलकुद परिषदले अन्तर्राष्ट्रिय खेलकुद परिसरमा निर्माण गरेको नेसनल हाइ पर्फमेन्स सेन्टरको प्रधामन्त्री केपी शर्मा ओलीले बिहीबार उद्घाटन गरेका छन्।
नियमित रुपमा प्रशिक्षण गर्नका लागि सुविधा सम्पन्न प्रशिक्षण स्थलको रुपमा नेसनल हाइ पर्फमेन्स सेन्टरको स्थापना गरिएको हो।
सेन्टरमा एकै पटक सय खेलाडीले अभ्यास गर्न सक्नेछन्। जसमा ३१ उपकरण रहेका छन्।


सेन्टरमा जीम हल, महिला तथा पुरुषका लागि ५-५ वाट बाथरुम, १५-१५ जनाले एकै पटक प्रयोग गर्न सक्ने पुरुष तथा महिला चेन्जिङ रुम, पुरुष तथा महिला लकर रुम र अफिस रुम छन्।
यस्तै भण्डार कोठा, सुविधा सम्पन्न शौचालय, थेरापी रुम, स्टिम रुम, ट्रेडमिल, इलिप्टिकल, इन्डोर बाइक, सिटेड रो, पुलडाउन र स्क्वाट स्टेन्ड सेन्टरमा छन्।
-1752141271.jpg)



फङसनल ट्रेनिङ सिस्टम, एङगल्ड लेग प्रेस, लेग एक्सटेन्सन, लेग कर्ल, स्मिथ मसिन, पावर स्टेन्ड, एड्जस्टेबल डिक्लाइन स्टेन्ड, फ्लेट स्टेन्ड, ओलम्पिक फ्लेट स्टेन्ड, डिप-चिन एसिस्ट, सिटेड काल्फ, वेट प्लेट ट्रि, टु टायर डम्बेल स्टेन्ड, बारबेल र्याक स्ट्रेट र ब्याक एक्सटेन्सन लगायतका उपकरणहरु रहेका छन्।
प्रविधि मार्फत नेपाली खेलाडीहरुको प्रशिक्षणलाई थप प्रभाकारी बनाउने उद्देश्यले राष्ट्रिय खेलकुद परिषद्ले सेन्टर स्थापना गरेको हो।

सेन्टरमा पोर्टेबल भीओ, टेस्टिङ डिभाइस, ब्लड लेक्टेट एनालाइजर, सर्फेस इएमजी, मोसन ट्रेकिङ, बीएफआर, एसभीटी (इन ह्यान्ड को–ओर्डिनेसन टेस्ट, साइकलइर्गोमिटर, बायोमेकानिक्स फुल सिस्टम विथ सफ्टवेयर, टाइमिङ गेट, इसोकाइनेटेक, डुएल प्लेट र इलेक्ट्रोनिक ह्यान्ड ग्रिप स्ट्रेन्थ डाइनोमिटर प्रविधि पनि सेन्टरमा छन्।