नेपाल नम्बर वान महिला टेनिस खेलाडी अभिलाषा विष्ट आईटीएफ महिला युएसडी २५ के टेनिस प्रतियोगिताको मुख्य ‘ड्र’ मा मंगलबार प्रवेश गरेकी छन्।
छनोट चरणको पहिलो राउन्डमा बाइ पाएकी अभिलाषाले दोश्रो राउन्डमा दिभ्या भरद्धवाजलाई ३–६, ६–२ र १०–६ तथा फाइनल राउन्डमा सिरी पाटिललाई ६–४ र ६–१ को सेटमा पराजित गर्दै मुख्य ‘ड्र’ मा प्रवेश गरेको नेपाल टेनिस संघका सदस्य अजय विष्टले जनाएका छन्।
भारतमा हुने प्रतियोगिताको मुख्य ‘ड्र’ को आफ्नो पहिलो खेलमा अभिलाषाले प्रतियोगिताको आठौं वरीयताकी रुसी खेलाडी अनास्टासिया गासानोभासंग बुधबार खेल्ने छिन्।
