नेपाल खेलकुद पत्रकार मञ्चले हरेक वर्ष आयोजना गर्ने एनएसजेएफ पल्सर स्पोटर्स अवार्डको २० औं संस्करण माघ २८ गते हुँदैछ।
अवार्डका लागि मञ्चले वर्ष पुरुष खेलाडी र वर्ष महिला खेलाडीको उत्कृष्ट आठको मनोनयन आज सार्वजनिक गरेको छ।
वर्ष पुरुष खेलाडीको उत्कृष्ट ८ मनोनयन :- आसिफ शेख (क्रिकेट), दीपक अधिकारी (एथलेटिक्स), मुकेश पाल (एथलेटिक्स), मानबहादुर श्रेष्ठ (भलिबल), नासिर याहा हुसेन (पौडी), रोहित पौडेल (क्रिकेट), रुपेश जैसवाल (बुद्धिचाल), सुवास तामाङ (गल्फ)
वर्ष महिला खेलाडीको उत्कृष्ट ८ मनोनयन :- पुनम श्रेष्ठ (जुडो), डुवाना लामा (पौडी), जयरानी थारु (एथ्लेटिक्स), अनुषा मल्ल (बास्केटबल), श्रीवी महर्जन (ट्रायाथलन), पुष्पा भण्डारी (एथ्लेटिक्स), राजपुरा पछाइ (एथ्लेटिक्स)
वर्ष २०७९ सालमा गरेको प्रदर्शनका आधारमा खेलाडीलाई मनोनयन गरिएको हो।
यसअघि अवार्डका लागि पिपल्स च्वाइस विधाको मनोनयन सार्वजनिक भइसकेको छ ।
पिपल्स च्वाइसमा फुटबलका अनन्त तामाङ, करातेका विप्लवलाल श्रेष्ठ, भलिबलकी निरुता ठगुन्ना, टेबलटेनिसकी सिक्का सुवाल श्रेष्ठ र शारीरिक सुगठनकी रजनी श्रेष्ठ मनोनयनमा परेका छन् ।
यस पटक वर्ष पुरुष, महिला, युवा, प्रशिक्षक र पिपल्स च्वाइस गरी पाँच विजेताले बजाज पल्सर मोटरसाइकल पाउनेछन् । तीमध्ये दुई वटा एन२५० र तीन वटा एन१६० मोटरसाइकल रहेको छ। अन्य विधाका विजेतालाई जनही ५० हजार रुपैयाँ र गिफ्ट ह्याम्पर प्रदान गरिनेछ।
