भुपेन्द्र गुरुङको अध्यक्षतामा आदिवासी खेलकुद संघ नेपाल गठन भएको छ।
बुधबार काठमाडौँमा भएको संघको महाधिवेशनबाट उमा कुम्फुका खेलाडी भुपेन्द्र गुरुङ अध्यक्षमा निर्वाचित भएका हुन्।
यस्तै संघको उपध्यक्षमा दिपेन गुरुङ सचिवमा सुरेश मगर र कोषाध्यक्षमा मिनबहादुर गुरुङ निर्वाचित भएको छ।
'नेपालमा रहेका आदिवासी जनजातीहरुको आफ्नै मौलिक खेलहरु रहेको कति राष्ट्रिय लेभलमा पनि पुगेका छन् तर उचित संरक्षण र प्रवर्द्धन हुन सकेको छैन,' अध्यक्ष गुरुङले भने।
'कति खेलहरु उत्कृष्ट भएरै पनि हराउदै गएकोले यस्ता खेल र खेलाडीहरुको संरक्षण एबं प्रवद्धन गर्नको निम्ति संघको स्थापना भएको हो।'
संघको नवनिर्वाचित कार्यसमितिमा शेरबहादुर गुरुङ,रुपकाजी थापा मगर, गुना गुरुङ, जगदीश गुरुङ,धन वहादुर गुरुङ रहेका छन्।
