थाइल्यान्डको फुकेटमा सञ्चालन भइरहेको थाइल्यान्ड ओपन इन्टरनेसनल बक्सिङ च्याम्पियनसिपमा नेपालकी सुष्मा तामाङ पराजित भएकी छिन्।
४८ केजी तौल समूहमा इटालीकी खेलाडीसँग उनी ३–२ ले पराजित भइन्।
खेलको पहिलो राउण्डमा ५–० ले हारेकी सुष्माले दोश्रो राउण्डमा पनि ३–२ ले हारिन्।
तर तेश्रो तथा अन्तिम राउण्डमा ५-० ले खेल आफ्नो पक्षमा पार्न सफल भए पनि समग्र ३–२ अकंको आधारमा पराजय भोग्नु पर्यो।
त्यस्तै महिला ५७ केजी तौल समूहमा चन्द्रकला थापा इटालीकी ओलम्पिक कास्य पदक विजेता खेलाडीसँग ५–० अंकले पराजित भएको नेपाल बक्सिङ संघका प्रवक्ता श्यामकाजी अवालेले जनाएका छन्।
मंगलबार १३औं सागको स्वर्ण विजेता मिनु गुरुङले थाइल्यान्डकी खेलाडीविरुद्ध खेल्नेछिन्।
