नेपाल रिङ रेस्लिङ संघको आयोजनामा प्रथम हेरिटेज आरडब्लु राष्ट्रिय रेस्लिङ प्रतियोगिता चैत १९ गते हुने भएको छ।
हेभी वेट च्याम्पियनले १ लाख ५ हजार, हार्डकोर च्याम्पियनले ८५ हजार, मिडिल वेट च्याम्पियनले ७५ हजार, ट्याग टिम च्याम्पियनले ९५ हजार, लाइट वेट च्याम्पियनले ६५ हजार रुपैयाँ नगद पुरस्कार प्राप्त गर्ने आइतबार आयोजित पत्रकार सम्मेलनमा जानकारी दिइयो।
रेफ्री प्रदीप पाण्डे, विकास खड्का र शिसम मैनीले प्रतियोगिता सञ्चालन गर्ने छन्।
काठमाडौंको बसन्तपुर डबलीमा हुने एकदिने प्रतियोगिता सञ्चालन गर्न करिब १५ लाख खर्च हुने आयोजक संघकी महासचिव सुवर्ण श्रेष्ठले जानकारी गराइन्।
राष्ट्रिय खेलकुद परिषद्, काठमाडौं महानगरपालिका र टोखा नगरपालिकासहित अन्य संस्थाको सहयोग रहने बताइएको छ।
