नेपाल क्लाइम्बिङ स्पोर्ट्स एसोसियसनका पूर्वमहासचिव मेघराज पौडेल इन्टरनेश्नल फेडेरेशन अफ स्पोर्टस क्लाइम्बिङ (आइएफएससी) को इभेन्ट कमिसनको सदस्यमा निर्वाचित भएका छन्।
गत मार्चमा बसेको एसियन काउन्सिलको साधारण सभाले पौडेललाई कमिसन सदस्यमा निर्वाचित गरेको नेपाल क्लाइम्बिङ स्पोर्ट्स एसोसिएसनले जनाएको छ।
स्पोर्ट्स क्लाइम्बिङ नेपालमा २०६७ सालदेखि सक्रिय छ। यस खेलले एसियन गेम्समा समेत सहभागिता जनाएको छ।
स्पोर्ट्स क्लाइम्बिङलाई जापानमा हुने ओलम्पिक गेम्समा समेत समावेश गरिएको छ।
एसियन काउन्सिलको इभेन्ट कमिसनमा पौडेलको उपस्थितिले नेपालमा क्लाइम्बिङ स्पोर्ट्सको दिर्घकालिन विकासमा थप टेवा पुग्ने नेपाल क्लाइम्बिङ स्पोर्ट्स एसोसियसनले विश्वास व्यक्त गरेको छ।
