म्यानचेस्टर युनाइटेडका मिडफिल्डर माराउन फेलिनीले छिटै क्लब छाड्ने सम्भावना बढेर गएको छ। टर्किस क्लब गालातासारेका निर्देशक सेन्क इर्गुनले यसको जानकारी दिँदै फेलिनी छिटै आफ्नो क्लबमा आवद्ध हुने जानकारी दिएका छन्।
बेल्जियमका फेलिनी गत सिजन म्यानचेस्टरका महत्वपूर्ण सदस्य थिए। प्रशिक्षक जोसे माउरिन्होले उनलाई महत्वपूर्ण खेलमा मैदानमा उतारेका थिए।
फेलिनीलाई यसअघि म्यानचेस्टरसँगको उनको अनुबन्ध १२ महिना थपिने आशा थियो। तर, यही वर्षको स्थानान्तरणमा उनलाई ओल्ड ट्राफोडले बेच्न लागेको हो। इर्गुनले स्थानीय पत्रिका अजान्सपोरलाई अन्तर्वार्ता दिनेक्रममा भने, ‘फेलिनी म्यानचेस्टर युनाइटेड छोड्दै छन्। र, उनी हाम्रो राडारमा छन्।’
फेलिनीले गत सिजन म्यानचेस्टरबाट ४७ खेल खेलेका थिए।
