अखिल नेपाल फुटबल संघ (एन्फा) ले वर्षको बाँकी महिनाका लागि नयाँ क्यालेन्डर सार्वजनिक गरेको छ।
यो महिना नेपाली राष्ट्रिय पुरुष टोलीले एसियन कप छनोटका दुई वटा खेल भियतनाममा खेल्दैछ। त्यसपछि महिला राष्ट्रिय फुटबल टोलीले कात्तिक ९ मा भारतसँग सिक्किममा अन्तर्राष्ट्रिय खेल खेल्नेछ।
त्यसपछि एन्फा प्रेसिडेन्ट लिग, एन्फा यु-१६ लिग चल्दा एसियन कप छनोटअन्तर्गत मंसिर २ मा मलेसियासँग खेल्नेछ। मलेसियासँगको खेल कुन स्थानमा हुने टुंगो छैन। यो खेल नेपालमा हुने कार्यक्रम भए पनि दशरथ रंगशालाले अन्तर्राष्ट्रिय मान्यता नपाएसम्म सम्भव छैन।
महिला टोलीले मंसिर ८ देखि १६ सम्म इन्डोनेसियामा थ्री नेसन्स कपमा भाग लिनेछ। लगत्तै साफ महिला क्लब च्याम्पियनसिप नेपालमै हुनेछ।
एन्फाले मंसिर २९ देखि एन्फा यू-१८ र पुस ९ देखि सहिद स्मारक ए डिभिजन लिग सुरु हुनगर्नेछ। ए डिभिजन लिग २०८३ को असारसम्म आयोजना गर्ने एन्फाको भनाइ छ।
त्यो बीचमा एन्फाले महिला च्याम्पियनसिप, महिला लिग र महिला सुपर लिग आयोजना गर्नेछ। नेपाल र लाओसबीच चैत १७ मा एसियन कप छनोटको खेल हुने कार्यक्रम रहेको छ।
यद्यपी एन्फाले यसअघि नेपाल सुपर लिग फ्रेन्चाइज फुटबल प्रतियोगिता गर्ने भने पनि अहिले क्यालेन्डरमा समावेश गरेको छैन। यसर्थ यो वर्ष हुने भनिएको नेपाल सुपर लिग अन्योलमा परेको छ।
-1746009348.jpg)
