अखिल नेपाल फुटबल संघ (एन्फा) र ए डिभिजन क्लबहरूबीच आइतबार सातदोबाटोस्थित एन्फा कम्प्लेक्समा ए डिभिजन लिग २०८२ सञ्चालनबारे छलफल सम्पन्न भएको छ।
बैठकमा एन्फा महासचिव किरण राईले लिग २०८२ पुस ९ गतेदेखि सुरु गर्ने प्रस्ताव राख्दै यसलाई होम एण्ड अवे प्रणालीमा सञ्चालन गर्ने योजना प्रस्तुत गरेका थिए।
साथै उनले लिगको मोडालिटी, मार्केटिङ र अन्य व्यवस्थापकीय पक्षबारे पनि विस्तृत प्रस्ताव अघि सारे।
पछिल्लो पटक २०७९/२०८० को लिग २०८० को जेठ २३ सकिएको थियो। चर्च ब्वाइजलाई च्याम्पियन बनेको डेढ वर्षपछि एन्फाले अर्को लिग गर्न लागेको हो।
एन्फाको प्रस्तावलाई सहभागी क्लबहरूले सकारात्मक रूपमा लिएका छन्।
यस विषयमा अझ प्राविधिक र व्यवस्थापकीय छलफल गर्न एन्फाले आगामी २०८२ भदौ ३१ गते आयोजना गर्ने कार्यशालामा एन्फा र क्लबहरूले संयुक्त रुपमा थप विमर्श गर्ने सहमति भएको छ।
-1746009348.jpg)
