ग्लोबल रिचले आफ्नो सातौं वार्षिकोत्सवको अवसरमा आयोजना गरेको अन्तर विद्यालय ए लेभल फुटसल प्रतियोगिताको उपाधि सेन्ट जेभियर्स् कलेजले जितेको छ।
धुकु फुटसलमा शनिबार सम्पन्न प्रतियोगिताको फाइनलमा सेन्ट जेभियर्सले प्रिमियर इन्टरनेशनल आईबी कन्टिन्युम स्कूलर्ला पेनाल्टी शुटआउटमा ४–३ गोल अन्तरले पराजित गर्यो।
निर्धारित ४० मिनेटको खेल १–१ गोलको बराबरीमा सकिएपछि निर्णय टाइब्रेकरबाट लिइएको थियो। प्रतियोगितामा उपत्यकाका १६ कलेजको सहभागिता थियो। ग्लोबल रिचले आफ्ननो सामाजिक उत्तरदायित्व अन्तर्गत यो प्रतियोगिता आयोजना गरेको हो।
प्रतियोगिताको उत्कृष्ट खेलाडी विजेता सेन्ट जेभिर्यसका आदित्य गैरे भए । त्यस्तै सर्वाधिक गोलकर्ताको उपाधि उपविजेता
प्रिमियमका श्यामिर श्रेष्ठ, उत्कृष्ट गोलरक्षक पनि प्रिमियमकै रिलिश न्यौपाने घोषित हुँदा सर्वोत्कृष्ट प्रशिक्षक सेन्ट जेभियर्सका वेदान्त सिंह ठकुरी भए।
फाइनल खेलको म्यान अफ दी म्याच सेन्ट जेभियर्स्का सन्जोग राई घोषित भए । रातो बंगला स्कूलले फेयर प्ले अवार्ड जित्यो।
प्रतियोगितालाई अष्ट्रेलियाका युनिभर्सिटी अफ टेक्नोलोजी सिड्नी, बैंकक युनिभर्सिटी, कर्टिन युनिभर्सिटी, युनिभर्सिटी अफ क्यानबेरा, म्याक्वेर युनिभर्सिटी र अष्ट्रेलियन क्याथोलिक युनिभर्सिटीको सहप्रयोजन गरेको थियो।
विजेतालाई नेपाली राष्ट्रिय महिला टोलीकी फरवार्ड रेखा पौडेलले पुरस्कार वितरण गरेकी थिइन्। समापन कार्यक्रममा ग्लोबल रिचका प्रतिनिधिले विद्यार्थीहरुले देखाएको ऊर्जा र फुटसल प्रेमका कारण आगामी दिनमा पनि प्रतियोगितालाई निरन्तरता दिने प्रतिबद्धता जनाएका थिए । खेल केवल प्रतियोगिता जित्नका लागि मात्र नभइ व्यक्तित्व विकास र सामूहिक भावना बृद्धि गर्ने माध्यम पनि भएकाले प्रतियोगिता आगामी दिनमा अझ बृहत गरिने आयोजकले जनाएको छ।
-1746009348.jpg)
