ग्रिम्स्बी टाउनसँग अप्रत्याशित हार बेहोरेपछि म्यानचेस्टर युनाइटेड इएफएल कपको दोस्रो राउन्डबाट बाहिरिएको छ। यो नतिजालाई इंग्लिस फुटबल इतिहासको सबैभन्दा ठूलो उलटफेर मध्ये एक मानिएको छ।
बुधबार ग्रिम्स्बीको घरेलु मैदान बुन्डेल पार्कमा भएको खेलमा निर्धारित समय २-२ को बराबरीमा सकिएको थियो। पहिलो हाफमा २-० ले पछि परेको युनाइटेडले अन्तिम १५ मिनेटमा दुई गोल गर्दै खेललाई बराबरीमा ल्याएको थियो, तर पेनाल्टी सुटआउटमा भने उनीहरू चुके।
पेनाल्टीमा ग्रिम्स्बीका लागि डराघ बर्न्सले दुई पटक गोल गरे। यसबाहेक, जेज काबिया, रिस स्टाउन्टन, हेनरी ओस्कर ब्राउन, क्यामरुन म्याकजेनेट, गेजा डेविड टुरी, जेडेन स्विनी, इभन खुरी, टायरेल वारेन र क्रिस्टी पिमले पनि गोल गरे, जबकि क्लार्क ओडुर गोल गर्नबाट चुके।
म्यानचेस्टर युनाइटेडका लागि कप्तान ब्रुनो फर्नान्डेसले दुई पेनाल्टीमा गोल गरे। ब्रायन एमबेउमो, डिएगो डालोट, जोशुआ जिर्कजी, कोबी माइनो, ह्यारी मग्वायर, म्याथिस डी लिग्ट, बेन्जामिन सिस्को र आन्द्रे ओनानाले पनि गोल गरे। एमबेउमोले आफ्नो दोस्रो पेनाल्टीमा गोल गर्न सकेनन्, र म्याथ्यु कुन्हाले पनि पेनाल्टी गुमाए।
निर्धारित समयमा ग्रिम्स्बीका लागि चार्ल्स वेर्नाम र टायरेल वारेनले गोल गरेका थिए, भने युनाइटेडका लागि ब्रायन एमबेउमो र ह्यारी मग्वायरले गोल फर्काएका थिए।
-1746009348.jpg)
