स्पेनिस ला लिगा फुटबलमा सेल्टा भिगोविरूद्ध रियल मड्रिड विजयी भएको छ।
बालाडोसमा गएराति भएको खेलमा रियलले सेल्टा भिगोमाथि २-१ गोलको जित निकालेको हो।
रियलको जितमा केलियन एम्बाप्पे र भिनिसियस जुनियरले गोल गरे।
२० औं मिनेटमा एम्बाप्पेले गोल गर्दा पहिलो हाफमा रियल १ गोलले अगाडि बढेको थियो।
सेल्टा भिगोका विलियट स्वेडबर्गले ५१ मिनेटमा गोल गर्दा खेल बराबरीमा पुगेको थियो।
६६ मिनेटमा भिनिसियस जुनियरले गोल गरेपछि रियल २-१ गोलले विजयी भएको हो।
गएराती नै बार्सिलोनाले सेभिल्लालाई ५-१ गोलले पराजित गरेको थियो।
भिल्लारियल र गेटाफेले १-१ बराबरी खेले।
एथ्लेटिको मड्रिडले लेगानेसलाई ३-१ गोलले पराजित गर्दा मलोर्काले रायो भालकानोलाई १-० गोलले पराजित गरेको थियो।
१० खेलबाट २४ अंक जोडेको रियल अंक तालिकाको दोस्रो स्थानमा छ।
२७ अंक जोडेको बार्सिलोना शीर्षस्थानमा छ। तेस्रो स्थानमा रहेको एथ्लेटिको मड्रिडको २० अंक छ।
