नेपाल सुपर लिग (एनएसएल) फुटबल प्रतियोगितामा स्पोर्टिङ इलाम एफसीले पहिलो जित हात पारेको छ।
सोमबार दशरथ रंगशालामा भएको खेलमा इलामले झापा एफसीमाथि १-० गोलको जित निकालेको हो।
इलामको जितमा अमाथले खेलको ८७ औं मिनेटमा गरेको गोल निर्णायक सावित भयो।
त्यसअघि उनले खेलको ८२औं मिनेटमा पाएको पेनाल्टीमा भने गोल गर्न चुकेका थिए।
पहिलो खेलमा इलामले काठमाडौं रेजर्ससँग हार बेहोरेको थियो।
यता झापा पनि पहिलो खेलमा पराजित हुन बाध्य भयो।
