स्पेनिस ला लिगामा बार्सिलोनाले भिल्लारियलमाथि ४-३ गोलको जित हात पारेको छ।
खेलको १२ मिनेटमा गाभी र १५ मिनेटमा डि जोङको गोलबाट बार्सिलोनाले सुरुवातमै २-० गोलको अग्रता लियो।
तर भिल्लारियलका लागि फोयथले २६ मिनेटमा पहिलो गोल गर्दा सोर्लोथले ४० मिनेटमा बराबरि गोल फर्काए।
५० मिनेटमा बाइनाले तेस्रो गोल गर्दा भिल्लारियलले ३-२ को अग्रता लियो।
बार्सिलोनाका लागि फेरान टोरेशले ६८ मिनेटमा बराबरी गोल फर्काउन सफल भए। ७१ मिनेटमा लेवान्डोवस्कीले बार्सिलोनाका लागि विजयी तथा चौथो गोल गरे।
जितसँगै बार्सिलोना ३ खेलबाट ७ अंक जोड्दै तेस्रो स्थानमा उक्लियो। शीर्ष स्थानको रियल म्याड्रिडको ३ खेलबाट ९ अंक छ।
