फिफा विश्वकप २०२२ अन्तर्गत दक्षिण अमेरिकी छनोटमा ब्राजिलले लगातार नवौं खेलमा जित हात पारेको छ।
ब्राजिलले शुक्रबार विहान सकिएको खेलमा भेनेजुएलालाई ३-१ गोलले हरायो।
खेलको ११ मिनेटमा रामिरेजको गोलबाट भेनेजुएलाले अग्रता लिएको थियो।
७१ मिनेटसम्म पछि परेको ब्राजिलले त्यसपछि तीन गोल गर्न सफल भयो।
ब्राजिलका लगि ७१ मिनेटमा मार्किन्होसले बराबरी गोल फर्काए।
गाब्रियल बार्बोसाले ८५ मिनेटमा पेनाल्टीबाट गोल गरेपछि ब्राजिलले खेलमा अग्रता लिन सफल भयो।
इन्जुरी टाइमको पाँचौ मिनेटमा एन्टोनीले ब्राजिलका लागि तेस्रो गोल गरेका थिए।
यता अर्को खेलमा अर्जेन्टिना भने बराबरीमा रोकिएको छ। अर्जेन्टिनालाई पाराग्वेले गोलरहित बराबरीमा रोकेको हो।
दक्षिण अमेरिकी छनोटको अंक तालिकामा ब्राजिल ९ खेलबाट २७ अंक जोड्दै शीर्ष स्थानमा छ। दोस्रो अर्जेन्टिनाको १९ अंक छ।
इक्वेइडर १० खेलबाट १६ अंक जोडेर तेस्रो स्थानमा, उरुग्वे पनि १६ अंक जोडेर चौथो र कोलम्बिया १४ अंक जोडेर पाँचौ स्थानमा छन्।
-1746009348.jpg)
